Veður

Atburður

• Ofsaveður veldur skemmdum á húsnæði.
  • Hlutir fjúka og geta valdið slysum og/eða tjóni.

Mat á aðstæðum

• Viðvaranir Veðurstofu Íslands.
• Veðurhæð og aðstæður á vettvangi.

Fyrstu viðbrögð

• Festa lausamuni svo þeir fjúki ekki.
• Negla fyrir glugga ef rúður brotna.
• Negla niður þakplötur.

Stig viðbragða

• Innanhússviðbragð.
• Björgunarsveitir kallaðar til aðstoðar.

Hlutverk

0. Fyrsti á staðinn

• Sá sem fyrstur verður áskynja um að bregðast þurfi við vegna veðurhamfarar.
• Getur verið starfsmaður HÍ eða starfsmaður öryggisfyrirtækis.
• Hringir í neyðarlínu (112).
• Tekur fyrstu skref viðbragðs og hringir út fyrsta stjórnanda.
• Stýrir aðgerðum þar til fyrsti stjórnandi kemur á staðinn.

1. Fyrsti stjórnandi – Byggingastjóri

• Kemur á staðinn og stýrir aðgerðum. Mikilvægt er að tilgreina staðgengla.
• Ræsir annan stjórnanda.
• Hringir í neyðarlínu og biður um aðstoð ef þörf krefur.
• Kallar út lið eftir þörfum og í samráði við annan stjórnanda.
• Stýrir aðgerðum í samráði við annan og þriðja stjórnanda og viðbragðsaðila.

2. Annar stjórnandi – Deildarstjóri í byggingadeild

• Er ekki á vettvangi.
• Er samskiptastjóri aðgerða:
  • Sendir tilkynningar til neyðarstjórnar í tölvupósti (samkvæmt viðbragðsáætlun).
  • Hringir í hagsmunaaðila innan stofnunar (ábyrgðarmenn húsa/rýma, ábyrgðarmenn tækjabúnaðar).
  • Sendir áfram upplýsingar til neyðarstjórnar eftir því sem þær berast frá vettvangi.
  • Heldur loggskrá um símtöl og ákvarðanir.
  • Hringir út liðsauka (starfsmenn, verktaka o.fl.) í samráði við fyrsta stjórnanda.
  • Ræsir þriðja stjórnanda í samráði við fyrsta stjórnanda.

3. Þriðji stjórnandi

• Að jafnaði sviðsstjóri eða sviðsforseti.
• Hringir í rektor og upplýsir um málið:
  • Viðbragðsáætlun tekur við.
  • Rektor ákveður hvort neyðarstjórn skuli kölluð saman.
  • Rektor ákveður hvort senda skuli tilkynningu til fjölmiðla.
• Ef hann kemur á staðinn, vinnur hann í samstarfi við fyrsta stjórnanda.

Verkefnastjóri öryggismála

• Heldur boðunarlista við.
• Safnar gögnum og stýrir endurmati.

Samskipti

Mikilvægt er að miðla upplýsingum til starfsmanna til að upplýsa um áhrif á starfsemi og draga úr sögusögnum. Gæta skal persónuverndar.

Samskipti innan stofnunar

• Samstilling aðgerða: sími og tölvupóstur.
• Flæði upplýsinga: annar stjórnandi sendir fyrstu skilaboð til neyðarstjórnar:
  • Sent á póstlista neyðarstjórnar.
  • Fyrstu tilkynningar byggja á þessum upplýsingum.
  • Fjölmiðlatilkynningar byggja á þessum upplýsingum.
  • Viðbragðsáætlun telst virkjuð.

Samskipti utan stofnunar

• Viðbragðsaðilar: stjórnendur á vettvangi.
• Fjölmiðlar: fyrsta tilkynning send og tengiliður útnefndur.
• Þolendur/slasaðir/aðstandendur: samskipti samkvæmt leiðbeiningum lögreglu/viðbragðsaðila.